TODA LA INFORMACIÓN SOBRE PELOTA VASCA
Bertan behera gelditu zen, atzo, Enrique Abril Errebote Txapelketako finala, Luzean taldeko sakalari Onsalok buruan pilotakada jaso baitzuen (markagailuan Luzean 3 / Kapito Harri 2 irakurtzen zela). Zorionez, pilotaria onik dago. Azaroaren 5ean berrekingo diote finalari, 10:30ean, Villabonan.
Luzean (Donibane Lohizune) eta Kapito Harri (Uztaritze) taldeek jokatuko dute, igandean, Enrique Abril Errebote Txapelketako finala, Villabonako Errebote plazan. Esteka honetan dituzue xehetasun guztiak: https://bit.ly/46JAS6p Eskerrik asko aldez aurretik zuen arretagatik, ondo izan,
Oiartzungo Txost taldeak Enrique Abril Errebote Txapelketaren finalerdietara sailkatzea lortu du, Zubietari final-laurdenetan 13-6 irabazita.Urriaren 8an jokatuko du, 10:30ean, Villabonako Errebote plazan, Luzeanen kontra (Donibane Lohizune, Lapurdi). Kanboarrak (Kanbo, Lapurdi) eta Kapito Harri (Uztaritze, Lapurdi) taldeek jokatuko dute beste aurrez aurrekoa, egun eta ordu berean, baina Zubietako plazan. Informazio gehiago, esteka honetan: https://bit.ly/3F0HBNj
Ligaxkakopartida guztiak jokatuta, azken fasean sartu da Enrique Abril Errebote Txapelketa. Txost eta Zubieta taldeek lehen final-laurdena jokatuko dute igandean, Zubietan, eta Kapito Harrik eta Behar Zanak bestea urriaren 1eko asteburuan, Villabonan. Luzean eta Kanboarrak taldeak finalerdietara sailkatu dira zuzenean. Informazio guztia, esteka honetan: https://bit.ly/3ZnzX98
Asteburuan hasiko da Enrique Abril Errebote Txapelketa. Eta harekin abiatuko da lehiaketa ofizialen 2023-24 denboraldia. 60 urte bete ditu txapelketak. Euskal Herriko 6 talde lehiatuko dira, tartean Gipuzkoako Behar Zana, Txost eta Zubieta. Eguraldiak ez badu baldintzatzen txapelketaren martxa, urriaren 8ko jardunaldian izango da ikusgai finala, Villabonan. Informazio gehiago, esteka honetan: bit.ly/3sxXYhH
Luzean taldeak irabazi du lapurtarren arteko lehia Enrique Abril Errebote Txapelketaren finalean, Noizbait taldea mendean hartuta: LUZEAN (Donibane Lohizune) 13 NOIZBAIT (Hazparne) 4 Sari-banaketaren argazki bat bidaltzen dizuegu. Gure webgunearen ‘Argazki galeriak’ txokoan irudi gehiago dituzue: https://bit.ly/3ENYhsP
Luzean eta Noizbait taldeek jokatuko dute Enrique Abril Errebote Txapelketako finala, igandean, 10:30ean, Zubietako plazan. Gipuzkoako bi ordezkariek, Txost-ek eta Zubietak, finalerdiak galduta txapelketari agur esan behar izan diote.
Lotura honetan dituzue xehetasun guztiak: https://bit.ly/3CL2FHw.
Gipuzkoako bi ordezkariek lortu dute aurrera egitea 59. Enrique Abril Errebote Txapelketan, eta igande honetan jokatuko dituzte finalerdiak: Txost-ek (Oiartzun) Luzean (Donibane Lohizune, Lapurdi) taldearen kontra jokatu beharko du, eta Zubietak (Zubieta) Noizbait (Hazparne, Lapurdi) taldea mendean hartzen eta finalerako txartela lortzen saiatuko da.
Esteka honetan dituzue xehetasunak: https://bit.ly/3V6Fcrq
Enrique Abril Errebote Txapelketarekin hasiko da, asteburuan, lehiaketa ofizialen 2022-23 denboraldia. Esteka honetan dituzue xehetasun guztiak: https://bit.ly/3TtnH3G
Villabonako Behar Zanak ezin izan du lortutakoa biribildu 58. Enrique Abril Errebote Txapelketan; galdu egin du finala Donibane Lohizuneko Luzean taldearen aurka.
Informazio gehiago, esteka honetan: https://bit.ly/3pdQGvB
Behar Zana (Villabona, Gipuzkoa) eta Luzean (Donibane Lohizune, Lapurdi) taldeek jokatuko dute 58. Enrique Abril Errebote Txapelketako finala, igande arratsaldean, Oiartzunen.
Esteka honetan dituzue bilduta xehetasun guztiak, eta baita hainbat datu historiko ere: https://bit.ly/3j1XAjA
Villabonako Behar Zana taldeak 58. Enrique Abril Errebote Txapelketako finalerdietara sailkatzea lortu du. Kanboarrak, Luzean eta Zaharrer Segi taldeak ere izango dira azken fasean. Ondorengo estekan dituzue xehetasun guztiak: https://bit.ly/3CXrwoB
Enrique Abril Errebote Txapelketarekin hasiko da, asteburuan, lehiaketa ofizialen 2021-22 denboraldia. Euskal Herriko 6 taldek eman du izena 58. edizio honetan, etaGipuzkoak hiru ordezkari izango ditu: Villabonako Behar Zana taldea, Oiartzungo Txost, eta Zubietako Zubieta. Gauzak ondo, urriaren 3an jokatuko dute finala, Oiartzunen. Informazio gehiago, ondorengo estekan: https://bit.ly/3yqYg7e
Behar Zana eta Zubieta taldeek jokatuko dute Gipuzkoako Errebote Txapelketako finala, igandean, 10:30ean, Villabonan. Informazio gehiago, esteka honetan: https://bit.ly/2UxOpOu
Pandemiaren eraginez partidak jokatu ahal izateko datarik ez dagoenez, eta txapelketa amaitzeko zailtasunak daudenez, Gipuzkoako Euskal Pilota Federazioak 2020-21eko Enrique Abril Errebote Txapelketa behin betiko bertan behera uztea erabaki du.
Laster zabalduko dugu izen-emate epea 2021-22ko Enrique Abril Txapelketarako, datorren denboraldikoa normaltasun osoz jokatzeko itxaropenez.