Larunbatean, 19:00tan, Santi Brouard Pilotalekuan
Master Series Lekeitio, FINALERDIAK
Jai Alai League-ko 4. proba
JOHAN-ZABALA vs LADUCHE-BASQUE
ERKIAGA-MANCI vs URREISTI-LEKERIKA
Martxoak 28, ostegun santua (19:00tan):
FINALA + emakumeen desafioa
Zesta-punta profesionala bueltan da Lekeition. Urtetik urtera eskaintza handitzen ari da, Akarregi pilota eskolako zestako fitxak handitzen doazen bezalaxe. Larunbatean da lehengo zita. Aste santuen atarian, Jai Alai Leaguerako puntuagarria den Master Seriesa jokatuko da. Lehen aldiz hartuko du Lekeitiok, ligarako puntuagarria den txapelketa. Egutegiko laugarren txapelketa hain zuzen.
Lekeitioko partiduetan ez dago txapela soilik jokoan. Jai Alai Leaguerako 1.000 puntu eskuratuko ditu irabazleak eta 1.200 bigarren geratzen denak.
Aritz Erkiaga beti da faborito. Bera da ranking-eko liderra eta Manci mutrikuarrarekin batera, Eñaut Urreisti eta Unai Lekerikaren aurka neurtuko da. 19 urteko gaztea da Urreisti mutrikuarra eta Lekeitioko txapelketa honekin egingo du ligako debuta. Beste finalerdian, Jon Zabala markinarraren itzulera daukagu. Udan izan zuen lesioa eta Johan Sorozabalekin bikotea osatuz itzuliko da kantxetara. Aurkariak, Laduche eta Basque lapurtarrak. Bikote gogorra eta arriskutsua.
Sarreren salmenta ikusita, giro ederra espero da frontoian.
JAI ALAI LEAGUE 2023-24
1- OPEN INTERNATIONAL BIARRITZ: Goikoetxea-Lopez (urriak 26-28)
2- EUSKO LABEL WINTER SERIES: Erkiaga-Ibarluzea (urriak 30-otsailak 18)
3- CESTA DE NADAU-PAU: Erkiaga-Minvielle (abenduak 8-22)
4- LEKEITIO MASTER SERIES (martxoak 23-28)
5- ZUMAIA MASTER SERIES (apirilak 1-8)
6- CESTA ALL STAR-DONIBANE LOHITZUNE (apirilak 7-25)
7- ARABA EUSKARAZ MASTER SERIES (apirilak 13-25)
8- BILBAO IRON CUP (maitzak 10-ekainak 7)
9- MARKINA-XEMEIN GRAND SLAM (ekainak 15-uztailak 16)
10- INTERNATIONAUX CESTA PUNTA (uztailak 4-abuztuak 27)
11- URREZKO XISTERA BIARRITZ (uztailak 8-abuztuak 21)
12- PAU CUP (uztailak 12-irailak 6)
13- GERNIKA GRAND SLAM (uztailak 20-abuztuak 7)
14- FINAL FOUR (urria)