Buruz buruko Kutxabank Sariaren finalerdia jokatuko dute Galarretan, 16:30etatik aurrera
Endika Barrenetxeak eta Imanol Ansak bihar Buruz Buruko erremonte Txapelketako finalerdia jokatuko dute Galarretan. Jaialdia 15:30etan hasiko da eta buruz burukoa jaialdiko bigarren partidua izango da, 16:30etan hasiko dena. Irabazleak finalerako txartela lortuko du eta datorren irailaren 10ean Urrizaren aurka neurtuko da urteko partidurik garrantzitsuenean. Sari potoloa da eta horren bila irtengo dira gaur, hernaniarra eta urnietarra.
Aurtengo txapelketak pasa den urtekoaren antzekotasun haundiak ditu. Urrizak finalerako txartela lortu zuen partidu guztiak irabazita, Ansa bigarren sailkatu zen Barrenetxeari ligaxkako azken partidua irabazita, Barrenetxeak hirugarren amaitu zuen eta Juanenea geratu zen kanpoan. Aurten ere sailkapen berdina izan da eta kasualitatez Ansak eta Barrenetxeak ligaxkako bien azkenengo partidua elkarren aurka jokatu zuten. Aurten bezala Ansak garaipena lortu zuen 30-28, baina astebete beranduago, finalerdian, Barrenetxeak buelta eman zion egoerari eta finalerako sailkapena lortu zuen Ansa 30-23 kanporatu eta gero. Orduan ere Urriza zegoen zain finalean.
Bien artean partidu asko jokatu dituzte azken urteetan eta azken urtekoak esanguratsuak dira. Masters finala ere elkarren aurka jokatu zuten otsailean eta atzelari hernaniarrak ongi menderatu zuen aurrelari urnietarra, 30-22.
Barrenetxeak historia errepikatzea nahiko luke, gainera finala ere irabazi zuen Urrizaren aurka. Hala ere, aurten gauzak zailago izango direla dirudi. Ansak maila hobetzen jarraitzen du eta ligaxkan bigarren erremontistarik onena izan da emaitzen arabera eta erakutsitako jokoaren arabera. Barrenetxeak maila igo beharko du.
Material aukeraketan Barrenetxeak pelota biziagoak aukeratu zituen
Barrenetxea IV.ak eta Ansa II.ak Kutxabank Torneoko finalerdirako materiala aukeratu zuten asteartean. Pelotari bakoitzak hiru pelota bereizi zituen. Barrenetxea IV.ak 127 gramoko bi eta 129 gramoko bat aukeratu zituen. Ansa II.ak hartu zion lekukoa 128 gramoko bi eta 127 gramoko pelotekin.
Atzelari hernaniarraren materiala biziagoa da, Urnietako aurrelariarena motelagoa den bitartean. Ansak gehiago bilatzen du peloteoa, Barrenetxeak saketik min egin eta pelota atzeko koadroetara bidali nahi duen bitartean.
Aukeraketa amaitzean, bi pelotariak pozik geratu ziren. «Denetarik zegoen», adierazi zuen hernaniarrak, eta Ansak berretsi zuen. Saskian 50 pelota aurkitu zituzten, Kike Elizalde intendenteak pelotarien eskura jarri zituenak.
Barrenetxeak peloten balorazioa egin zuen, baita larunbateko finalaurrekoarena ere. «Zerbait bizia bilatu dut, nire jokorako egokia den pelota bat, edo behintzat eroso sentitzen naizena. Oso gustura geratu naiz. Imanolen bi pelota neutroak iruditu zaizkit, eta beste bat apur bat okertua edo borobila izatea eragozten zuen joskera zuena. Seietatik bost onak dira jokatzeko, eta bestea Ansak erabiliko du partidua ondo ez badoa».
Ansak pilota baxuagoak aukeratu zituen. «Peloteo gehiago nahi dut eta sakearekin min gutxiago egin diezadala eta ez dadila hainbeste errebote egon. Iaz 12 tanto sartu zizkidan saketik, eta ez nintzen jokoan sartu egin zizkidan tanto erdietan. Horrela zaila da jokatzea».
Ez da bere bertsiorik onenean ikusten, baina gaizki ere ez. «Ez nago super, baina bai erregular. Konfiantza daukat ligaxkako partidu guztietan lehiatu naizela ikusi dudalako. Aurtengo materiala erabilgarriagoa iruditzen zait, beretako bat, bizia bada ere. Sakearekin tantoen erdia egitea saihestu nahi dut, horrela irabaztea oso zaila baita».
Jaialdia zuzenean eskainiko du ETBk
Barrenetxea eta Ansaren arteko finalerdia ETB bidez ikusi daiteke zuzenean. Beraz, ez dago aitzakiarik partidu ikusgarri hau zuzenean ez ikusteko. Kronikan ere gonbidapenak banatuko dira irakurleen artean.
Cartelera del sábado 3 de setiembre en Galarreta a partir de las 15:30 horas
1. Urriza-Juanenea contra Ezkurra II-Azpiroz a 30 tantos
2. Barrenetxea IV contra Ansa II a 30 tantos TORNEO KUTXABANK
3. Urrutia II-Larrañaga contra Liotegi-Apezetxea a 40 tantos